5 Kidnapper patay sa bakbakan

 

5 suspek sa pagkidnap sa Chinese national sa Sulu, patay sa bakbakan

Patay ang limang hinihinalang kidnapper ng isang negosyanteng Chinese sa engkwentro sa Sulu ngayong Huwebes ng madaling araw.
Batay sa report ng commander ng Joint Task Group Sulu na si Col. Allan Arujado, dinukot ang biktima nitong Miyerkules ng hapon. Hinihinalang mga miyembro ng Abu Sayyaf Group ang mga suspek.
Bago makatawid ng dagat ang Chinese at ang mga suspek, nahabol pa ito ng mga tanod at pamilya ng biktima saka nagkaroon ng bakbakan Huwebes ng madaling araw.
Tumaob ang bangkang sinasakyan ng mga nasawing suspek.
Tinamaan naman ng bala sa katawan ang Chinese.
Dadalhin sa Zamboanga City ang biktima para maipagamot. (DZMM)

LARAWAN: Mga miyembro ng ASG na napatay ng militar sa bakbakan sa Sulu. Wala itong kinalaman sa balita.