Training, inihahanda ng DILG para sa mga bagong LGU officials

Nag-alok ang Department of Interior and Local Government (DILG) ng libreng training sa mga bagong halal na opisyal na uupo sa susunod na buwan para maalalayan sa kanilang bagong tungkulin.
Ayon kay DILG Mel Sarmiento, bumuo na ang kagawaran ng capacity development program na layong ihanda ang mga bagong local government officials.

Layon din ng training program na pahusayin pa ang leadership skills ng mga lokal na opisyal gayundin ang pagpapalakas ng ugnayan sa provincial government at pridadong sektor.
Kabilang dito ang pagtuturo sa pagkakaroon ng transition team na tututok sa transition documents at briefing schedule para sa turnover ng mga operasyon ng local na pamahalaan.
(Bomboradyo)